تدري وش اللي ذبحني وحرق أعصابك لاجيت أبقولك أحبك وترجف أعظامي

أنا أستحي منك واجاملك واهابك

ولاجيت أبقولها لك ترجف اعظامي

مليت أدراي الغلا واهيم واشقابك

ومليت أشوفك سحايب وارجع الظامي

وتعبت من كثر ترحابي وترحابـــك

وتعبت أشوفك حقايق واجهل اوهامي

اموت واعرف شعور(ن) فيك ينتابك

وتموت وتعرف سبايب عظة ابهامي

مسيرة العمر جابتني على بابك

وعليك حسبة ليل العمر وايامي

وماكتبتك غلا أوعدك لقرابك

وعن حب غيرك عهد لنكس اعلامي

اعجابي اسعدك وأنا اسعدني اعجابك

وصار الغلا بيننا محتوم والزامي

حمامة الشوق طارت بي مع اسرابك

من وين أمد النظر صورتك قدامي

ارسم تفاصيل عينك واعشق اهدابك

وأضيع بين السطور وتدمع أقلامي

تدري وش اللي حصل يالترف باسبابك

اسهر أناجيك الين تمر بأحلامي

وتدري وش اللي ذبحني وحرق أعصابك

لاجيت أبقولك أحبك وترجف اعظامي

مما اعجبني